買一送一超價OMAKASE

上次經過見到呢間已經話想食，發現佢而家買一送一好抵，朋友生日就同佢食呢間慶祝 好有驚喜嘅一間,對我來講一間有質素嘅一定係食材新鮮之餘同師傅有互動，而呢間真係可以話色香味俱全 前菜 蟹膏豆腐  金橘+食用玫瑰花瓣 佢比起其他地方特別之處竟然用咗金橘做調味，估佢唔到又幾夾，酸酸甜甜嘅感覺 日式汁煮哈哈螺 哈哈螺=基笠貝，味道鮮甜 配上大根成個感覺冇唯和感 南蠻漬油甘魚  第一次咁樣食油甘魚，酸酸地幾開胃  生蠔 北海道生蠔厚岸+酸汁  食落去厚肉，味道creamy👍👍  池魚他他+紫蘇花 自家調味嘅他他，配合埋紫蘇花帶出池魚嘅香味 磯煮鮑魚  用3日3夜時間炆，汁係精華 佢嘅鮑魚超級大隻，鮑魚配合左少量飯而且好多嘅汁混合埋一齊好好食😋 食完會覺得佢調嘅汁真係令到個鮑魚更出色👍 蟹肉蟹膏 新鮮嘅蟹肉即日拆殼 師傅將蟹膏加熱淋上蟹肉 蟹肉本身凍配合熱嘅蟹膏，迫出蟹肉既鮮味 將兩樣嘢混合埋一齊包係紫菜食，感覺係好好食😍😍 我唔夠紫菜師傅仲幫我添加，第一次覺得好好服務 天使蝦 超大隻嘅天使蝦配合芋頭莖 芋頭莖爽口，天使蝦又好爽有口感好好食 壽司前當然有漬物 牛蒡，蒜，薑，日本米茄子 最為特別嘅一定係日本米茄子🍆 其實我係睇佢唔到，朋友好聰明地知道我睇佢唔到🤣 第一次見咁特別嘅茄子 🔸日本帆立貝  日本青橘帶出貝類鮮味，而且唔會酸  🔸油甘魚bb 野生魚，唔同平時油甘魚，相對於滑 🔸新鮮鯖魚 第一次食新鮮嘅挪威鯖魚 用左岩鹽燒，食落好肥美 唔sd，油份充足😋 🔸金目鯛 火燒皮下令佢逼出油份 🔸新鮮銀鱈魚 紅色臉梅醬 紫蘇+梅醬打成 減油 夠油又滑  師傅仲話平視我哋坊間食嘅係黑雪魚係多油/係鱸魚，果然新鮮嘅銀鱈魚係唔同 🔸牡丹蝦  用本身蝦頭嘅蝦膏，好香 加入自家制蝦油，令到蝦味嘅鮮味更濃郁 🔸赤海膽 當食呢個嘅時候就諗起而家內地好流行嘅海膽熱狗 紫菜香脆，配搭左份量唔少嘅赤海膽 完全令我無法抵抗，要一口放晒佢落口😛 🔸熟成12日既大拖羅 熟成嘅意思係12日不停脫水 完成後令到味道更濃郁而且唔會咁油膩，肉質更有彈性 師傅喺我哋面前加入淡雪鹽，原來正宗嘅陀螺係唔應該加豉油，因為拖羅屬於鐵質比較重嘅魚，配豉油嘅話會令到佢變酸，而用淡雪鹽調味就唔會令拖羅變酸 小知識：鐵質重所以魚會呈紅色  吞拿魚係食原條油甘魚，所以肥美 鯖魚同吞拿魚係同一科 🔸櫻花蝦茶碗蒸 香蝦味，超級多嘅櫻花蝦，份量都好多😂 🔸活海鰻 彈牙，爽口 燒完即刻出嚟熱辣辣好好味 🔸酒盜魚腸薯餅 自家製酒盜芝士混合薯仔做成嘅薯餅 好有心思，大部份嘅薯餅都係攞現貨，佢自家製已經加分，即炸嘅關係食落去好熱好香脆，配搭左平日日式豬扒醬，雖然炸物，但唔會好油膩👍 🔸大蜆麵豉湯 蜆好大隻而且鮮甜 🔸甜點 蜜瓜jelly+赤肉蜜瓜 第一次食蜜瓜啫喱，師傅教先食蜜瓜然後食啫喱 食落去啫喱幾特別，蜜瓜就好甜 最後飽到我傻咗，朋友同埋師傅都笑我😂😂 買一送一性價比真係好高，而且第一次食就連壽司都可以厚過刺身同大片過刺身，真係好過份，唔比like佢都唔得 #Omakase #買一送一 #日本空運到港 #元朗日本料理 (此文章由U Blog 同步發佈至社群)